Ya ka Blood Bank ha Jowai da wanrah lyngba i yahkhmat u Rikut Parien

U Ioannis Manner uwa na ka chnong Iooksi Iapkhla uwa man leh uwi na kiwa kyrchaan wa khlan yong u kyrtong ka Congress na Saphai Sahsniang da khana u ya i daw wa kyrchaan u ya u Rikut Parien ha ka Election MDC.

Da ong u wa u Rikut toh u bru wa chemphang, uwa da heh i thij i pyrkhat kamjooh leh uwa chakri ya ki paidbah khamtam heipor wa man u kam uwa yahkhmat yong ka JSU.

Chooh chooh da ong u wa heipor wa man u Rikut kam u President ka JSU, hapoh i yahkhmat u da ye wow wanrah ya ka Blood Bank ha Jowai wei ini toh i kyrkhu ya ki paidbah ka Ri-loom Jaiñtia khamtam ki manbei iwa pynyoo wa man u u bru wa chemphang.

Da ong u wa ka MPSC Cell wa ka MBOSE Cell da ye u wanrah ha Jowai wei itæ leh hapoh i yahkhmat u Rikut Parien deiwa kdaw wa ha ka MBOSE nachwa ki khynnah wa kiwa sikai hap lai ki cha Shillong wow pynbait ya ki kot ki sla yong ki tangwa katni da ye u pyndep pyn ha Jowai.

Related posts

Dam kiwa chong chnong ka Tangnub wow lai thap Vote cha ka Election MDC

February 22, 2025

Ku cha 72.45% kiwa thap Vote ka KHADC

February 21, 2025

Heijooh i por da ong u wa heipor wa yahkhmat u Rikut da ye u thoh cha ka JHADC wow pynmih wei tipmit ya ki dak thoh Pnar wei kattæ da em ki dak Pnar hapoh ka District Council.

Hajrong kini, u Ioannis da ong u wa hanla nachwa man u Rikut kam uwa yahkhmat seiñbhalang da yoh myntoi ki paidbah chiboon wei yooluti u wa manda poi u ha ka thong i jop, ka jaitbru wa ka imlang sahlang mynstep mankawi daw man ko kawa miat wa bha.