Ka sorkar Meghalaya lyngba ka Health & Family Welfare Department ynne ka sngi da pynmih kyndon biang ko heiyatoh wa kitu kiwa yoh COVID-19 nadoh kiwa ym em ya ki dak ki chin wa chitom kamjooh kiwa em ki dak ki chin wa chitom wa malu mala donhi.
Hadien wa da dep pyntikna wa yoh COVID-19 wei da man ki kiwa ym em ki dak ki chin wa chitom kamjooh lada em ki da ki chin wa chitom malu mala donhi ye ki wow leh ya kini ha wah:
- Hadien wa chong khop ha yung 17 sngi ym emkaam de wow Test biang yaki.
- Ye leh wow chong hapoh ka Corona Care Center 10 sngi wei daw pynlait noh hadien 10 sngi iwa daw pynbood won sa i chong khop ha yung 7 sngi iwa mut waroh 17 sngi wei manda dep ya ini ym emkaam de wow Test.
- Ye leh wow chong hapoh ki thaw wa hap dei su 10 sngi wei hadien ini daw hap wow pteiñ yei chong khop ha yung sa 7 sngi lane deiwa leh ya ini sa 7 sngi pyn hapoh i thaw wa su dei su. Hadien kini ki 17 sngi ym emkaam de wow Test biang ya ki.
