U Montri ka chnat Puræ Puthi ka Meghalaya, u Rakkam Sangma ynne da ong u wa ka jylla Meghalaya da lehbha ko ha kini ki le snem wa da dep ha ka puræ puthi heiwa da rap tam ko wot ya ka jylla Kerela kawa da ku bha hei thoh, i puræ puthi ha ka ri.
Da ong u wa katkam i pynhaap kyrdan yong ki jylla ha ka ri kawa tip kam ka Performance Grade Index (PGI), ka jylla Meghalaya ku ko na iwa em ko ha u 2017 deiwa yoh ha ka kyrdan wa 8 tangwa ha u 2020-21 da ku cha ka kyrdan wa 6.
Da ong u wa i long i man ka puræ puthi da ku ha kini ki soo snem. Ha u snem 2017-18 wa 2018-19, ka Kerela da yoh ko 826 Point wei ha u 2019 da yoh ko 862 Point iwa da ku cha 36 Point katwa ka Meghalaya ha kini ki jooh ki snem da yoh ko 574 Point wei ha snem 2019 da ku cha 610 Point iwa mut da ku da 36 Point. Ha u snem 2019-20, ka Kerela da yoh ko 862 Point iwa ku da 29 Point katwa ka Meghalaya da ku da 629 Point iwa ku da 29 Point wei ini pynyoo ko yei ku ka jylla Meghalaya da ya ryngkat waka Kerela.
Ha u snem 2021 ka Meghalaya da ku cha ka 716 iwa mut da ku da 69 Point iwa rap palat yei yoh Point ka Kerala.
Da pyntip u wa i rukom chim yukheiñ hajrong ini toh lyngba i em ki luti syngkieñ kiwa biang, ki Tower phah khubor wa kiwi de iwa emkaam yong ki thaw puræ nadooh ki skur wa kiwi kiwi.
