Jowai : Ka wi ka Maruti Alto wa em ya u number ML04 B 3704 ka wa wan na Jowai wei lai luti ko na Shillong By-pass da tyrrah ko ya ka wi ka truck na dien.
U wa yah kari wa u wa emlang hapoh kari da mynsoo ki wei da kit ya ki cha NEIGHRIMS, Shillong da ka 108 Emergency Service Ambulance kawa em ha Mawryngkhneng.
Ini i tyrrah kari da jia ha Lumdiengan hapoh ka Umsning Block, Ri Bhoi District, heipor 1:50 i step ynne ka 2 tarik
Ya kiwa mynsoo da tip kam u Damanme Bang uwa 26 dnem i rta wa u Lim Shadap wa 36 snem i rta.
Ha iwi tawan i ya tyrrah kari, ka wi ka Maruti Van wa em ya u number ML04 A 7078 kawa lai cha Khliehtyrchi da tyngkhooh ko wa ka wi ka kari hadooh wa mynsoo uwa yah ya ka Maruti Van uwa tip kam u Lasangki Rymbai uwa em 40 snem i rta.
Da kit ya oo cha da ka kari 108 cha Ummulong PHC hadien won da kit ya oo cha Shillong Civil Hospital. Ini i ya tyrrah kari da jia i ha ka 1 tarik uni u bnai heipor 11:00 i miet.
Discussion about this post