I kynaad hapyrdi ki chipai ka India wa ka People’s Liberation Army ka China kattu da neh i da ki bnai khamtam ha khappood kini ki ar ri wa tip kam u Line of Actual Control (LAC).
Ha kini ki sngi wa dadep da poor i Video ha ki Social Media wa pynyoo wa yaam ki chipai PLA hadien wa tip ki wa daw phah ya ki cha khappood wa ka India wei ya ini da pynmih da ka khubor Taiwan News.
Chooh chooh ka Tawin News da ong ko wa ini i Video toh iwa da booh ha u WeChat Page ka Fuyang City Weekly, wei da Delete won yeini i Video hadien wa kini ki chipai toh kiwa na ka Fuyang, Yingzhou District kawa em hapoh ka Anhui Province.
Chooh chooh uwi na ki nong China uwa tip kam u @waynescene da booh biang u ya ini i Video ha ka 20 tarik heiwa da thoh u wa da khana ya ki wa daw lai ki cha khappood hadien wa ku ki ha ka Bus wei neitæ da sdang yaam ki.
Katkam wa man kattæ kiwa boon ki laad pathai khubor ka India leh da sdang pynyoo ki yeini i Video wei kammon ki paidbah ka Taiwan leh da beiñ ki yeini i man kini ki chipai.
