Ha ka 18 tarik uni bnai kawa man ka sien wa ar wa da pynyoo biang yaka phlim ‘Ka Chithi’ ha Jowai, hadien wa da wan pynyoo na kylleiñ ki chnong ka Ri-loom Jaiñtia, da sakhi wa ki paidbah dang yabeh ki u wan wot na ki chnong waphær waphær hadien wa sñiawbna ki wa kani ka phlim toh kawa yoosuk wei em yumut bha.
Hawa yoh u yaklam wa ki kattu katni ngut wa wan pait ya kani ka phlim, pynsñiaw ki yei kmen i sñiawhun neibhah wa em ko yaka parom wa ktik yei pyrkhat wei kawa e i sneiñ i khroo yaka yung ka sem waka imlang sahlang.
Khana ki leh katkam i yoo yong ki hikai ko wa kammon u man ki bru wa yatoh yumut wei yajan chi yung chi sem, la neiliang ka bei u pa kamjooh ki khon ki kti.
Heiwa ki bei ki pa leh ymhoi u pyn-eh ware hadooh wow chah ktah ki khon, ki khon leh wym hoi u leh pyrchah ki yei sneiñ ka bei u pa, tangwa toh u pynmiat pynbha yaka yung ka sem na waroh arliang.
Kam wow pynkynmoo wa ya kani ka phlim daw pteiñ u pynyoo hadooh ka 23 tarik uni u bnai ha Auditorium District Library, Mynthong, Jowai soo sien chi sngi heipor 2:00 waje i sngi, 4:00 waje noh chariñ ka sngi, 6:00 waje i jamiet wa heipor 8:00 waje i miet.
Discussion about this post