U montri rangbah ka jylla u Conrad K Sangma ynne da pyntip u wa da em sa 2 ngut kiwa da pyntikna wa yoh COVID-19 ha Shillong.
Da pyntip u wa kini ki 2 ngut leh toh ki bru chipai kiwa yachem (High Risk Contac) wa uwa yoh COVID-19 uwa man leh u chipai (BSF) kiwa wan naka jooh ka Camp ha Shillong.
Wa kini ki 2 ngut, kiwa dang em ya u COVID-19 ha Meghalaya da em ki 12 ngut heiwa da chait 42 ngut wa uwi wa yap iwa da poi waroh 55 ngut.
Neiliang u montri i chait i khiah ka jylla u AL Hek da pyntip u wa kini ki 2 ngut toh kiwa da em chwa ha kani ka BSF Camp kiwa ym toh kiwa wan na baar jylla wei ka Camp da man ko kawa ym em yoh u mih u psiah tangwa ym toh ka Containment Zone.
Neiliang won u symbood montri rangbah u Prestone Tynsong won da ong u wa kini toh kiwa em hapoh ka Camp wei yaki thaw wa em kiwa sah wai kam ha Umpling da dep pynbna chwa ya ka kam ka Containment Zone.
Neiliang u DHS u Dr. A War da pyntip u wa kini ki 2 ngut kiwa dang yoh ya uni u khñiang toh kiwa yabi na uwa yah kari chipai ka BSF wei da em leh 87 ngut kiwa tip kam ki High Risk Contact kiwa dang booddien kiwa em hei maa wa ye u yoh COVID-19 heiyatoh waki BSF.
U Hek da pyntip u leh wa ki nongmuna wa da phah Test da em ki 19646 wei kiwa man Negative da em ki 19404 wei dang yang yaka Result ki 189 tylli.
Kiwa da liwan chapoh ka jylla da em ki 19,231 ngut da pyntip chooh chooh u.
