Ka seiñ ABVP Meghalaya hapoh i yahkhmat ka Darilin Tang kawa man kam ka State Secretary, ka Endalin Thabah ka District Convenor East Khasi Hills, u Lurshai Kharbani ynnin ka sngi da lai yachem ki ya u Vice Chancellor ka skurbah North Eastern Hill University (NEHU) Shillong, u S.K. Srivastava wa u Pro-Vice Chancellor kani ka skurbah, u Henry Lamin.
Ha i yachem, ka seiñ da ekti ko ya ka dorkhat heiyatoh wa ki Exam ki khynnah ha kam kani ka por wa chah ktah ha u khlam COVID-19.
Da pynsñiaw ko leh wa ki khynnah puræ kwah ki yaka yutip wa bniah na ka skurbah heiyatoh kammon wow pynman ya ki Exam wa daw wan, khnang wow yoh ki khynnah u pynkhreh.
Neiliang ka ABVP da kyrpaad joor ko ya kiwa pynlai ka NEHU wow chimkhia ko wow pynche heiyatoh wa ini waroh.
Neilang u VC ka NEHU da kular u wow chimkhia yeini khamtam neibynta ki khynnah wa puræ Final Year, hadien wa dep u pynbait hapoh ka Academic Council kamjooh leh ka Executive Committee hei yatoh wa kani ka bynta.
