Yachem ka ECI wa kiwa mihkhmat ki Social Media yow lait u chim kabu ki paidbah ha ki por Election

Jowai: Ka Election Commission of India (ECI) da yachem wow yaklam yillu ko wa kiwa mihkhmat ki jiat Social Media wa boon deilang waka seiñ Internet and Mobile Association of India (IAMAI) heiyatoh i pynemkaam ya ka Social Media chwa ka Election MP cha ka Lok Sabha ha uni u snem.

U Chief Election Commissioner u Sunil Arora ha ki ktien waiphang yong oo da ong u wa ka Model Code of Conduct man ko kawa da chna kyrpang kawa hap bood lut ki seiñ saiñ hima nadooh wa pynbna ya ki tarik Election hadooh wa kut ka Election wei da chna ya ka leh deiwa krehlang wa waroh ki seiñ saiñ hima.

Kamtæ u Arora da ong u wa ki Social Media Organizations katni man ki kiwa khlanbor wei emkaam pynmih kyndon wa sariem leh ya ki kawa dang yaleh katni wow pynmih.

Neiliang u Election Commissioner u Ashok Lavasa da kdaw u wa katni ki laad pathai khubor lyngba ki Social Media da kylla ki katwa dang lai ki por wei iwa emkaam dooh wa uwi pa u uwi u leh ki deiwa em i kitkhlieh iwa pynyoo leh ya wa da stat ki bru wei emkaam leh ki tre ki Social Media wow booh ki ya ki kyndon wa ym hoi u pynemkaam bakla ya ka khatam ha ki por Election.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Election Commissioner u Sushil Chandra da pynkynmoo u wa ka Election Commission of India wa i thong yong ka toh wow pynman ya ki Election wa khooid wa kiwa lait looid wei ka ka Social Media ye ko u yarap wow leh ya ini wei emkaam leh wow pynchitom ya kiwa pynemkaam bakla ya ki Social Media wei emkaam wow ya krehlang waka ECI yow ye u leh ya ini.

Da yaklam leh wow booh ya ki laad wa ki paidbah ye ki ujor lada em iwon iwon i chim kabu ya ki Social Media wei emkaam leh wow pynyoo ya ki Pre-Certification kiwa e bor wow pynmih ya ki Political Advertisement. Chooh chooh ha kani ka yalang da yaklam leh wow phah ya ki Social Media wow pyntip ya kiwa chim kabu katkam ka kyndon Section 126 of R.P. Act, 1951.

Ha kani ka yalang da em leh kiwa mihkhmat ka Internet and Mobile Association of India (IAMAI), Facebook, WhatsApp, Twitter, Google, ShareChat, TikTok wa BigoTV.

Kini kiwa mihkhmat ki Social Media da mynjur ki wow chna da ki yong ki hi ki kyndong ‘Code of Ethics’ hei yatoh wa kani ka kaam.