Ka seiñ HNYF-Southern Ri War Circle ynnin ka sngi da yachem ko wa u Montri wa pait ya ka chnat i chait i khiah, u Prestone Tynsong heiyatoh wa ki kaam ka Dawki PHC neidaw wa em ko chiboon i duna.
Ka seiñ da pynsñiaw ko ha u Montri yeiwa dang wan pait ko ya kani ka thaw sumaar deilang wa u Doctor yong kani ka thaw heiwa da chem wa ka yung da man ko kawa da sih da pra, wei kamwa da tip wa u sarokbah daw lai lyngba u na kani ka Dawki PHC.
Kamtæ da kyrpaad ya u Montri wow chna chwa ya kani ka PHC neibynta i bha i miat ki paaid kani ka thaaiñ neibhah lada tympra chwa ya ka PHC yow chna yow sarok daw wanrah ko yei eh wa boon ya ki paidbah ka thaaiñ kiwa da chem chitom chwa neidaw wa em ka khlam COVID-19.
Neiliang u Montri da kular u wow chimkhia hajrong ini i bynta wei da ong u leh wa chwa wow chwa wow chna ya u sarok wa thymme wow lai lyngba na ka thaw sumaar, daw chna chwa ya ka Dawki PHC.
