Ka Joint Action Committee yong ki chnong wa kynthup yaka Ratacherra, Dona Umbluh, Dona Skur, Umkiang, Lumphyllut, Lumsoski, Pyrtakuna, Borsara, Kuliang, Shymplong wa Tongseng ka East Jaiñtia Hills, da sdang yaka haka 10 tarik uni u bnai wow booddien yei man i long u sarokbah NH-6 na Lumshnong cha Malidor kamjooh kiwi ki kaam pynroi.
Kamtæ ynne ka sngi ka JAC da yachem ko wa u Symbood Montri Rangbah ka jylla, u Prestone Tynsong wow pyrchah yei man i long u sarokbah wei wow dawa chna pynmiat noh ya uni u sarok.
Neiliang u Tynsong da pyntip u yaka JAC wa yahkhmat da u Waheh Chnong ka Umkiang, u Lasting Pala wa da e yaka Work Order wei i kreh daw sdang noh i.
Ka Committee da maham ko leh wow khang ya u sarok lada ym sdang i kreh hapoh 15 sngi.
Chooh chooh da yaklam leh yei chongsuk ha khappood heiwa da kyntu wow khang ya ki bru na Bangladesh wow psiah tooh chapoh ka ri iwa ktah yei chngaaiñ ki paidbah.
Heijooh i por da yaklam leh heiyatoh wa i pynku kyrdan yaka Umkiang PHC cha ka CHC heiwa neiliang u Prestone da kular u wow chimkhia yeini.
Discussion about this post