Jowai: Ka JSU Central Body hapoh i yahkhmat u General Secretary, u J. Shylla ynne ka sngi da lai yachem ko ya u Executive Officer ka Jowai Municipal Board (JMB) wow thooh yutip heiyatoh wa i rujom kit jhep na Iawmusiang wa na kylleiñ ka Jowai.
Neiliang uni u sahep ka JMB da pyntip u wa ka Board da leh ko katwa ye tangwa iwa emkaam dooh toh i krehlang yong ki paidbah.
Ka seiñ da ong ko wa hei yatoh won wa i thaw pynlang jhep wa em ha Mynkjai da emkaam wow kær ya ka khnang wow lait i jhep u kai cha ka wah Myntdu.
Ka yung krehkaam ka JMB leh da phah ko ya ka Draft heiyatoh wow chna ya ki Sewage Treatment Plant cha ka chnat Urban Affairs wa emkaam wow chna ha ki 10 tylli ki thaw wa kai ki jhep cha ka wah Myntdu.
Neiliang ka seiñ da kyntu joor ko ya u montri ka chnat Urban Affairs ka jylla, u H. Dohling watoh u pait yeini wei wow leh yeiwa emkaam khnang wow myntoi ki paidbah wei kamjooh leh yow yada ya ka wah Myntdu.
Ka seiñ da ong ko leh wa daw booddien ko yeini i kaam.
Kani toh katkam ka wyrta wa phah da u Publicity Secretary ka seiñ, u T. Mukhim.
Discussion about this post