Jowai : Ka Jaiñtia Students’ Union (JSU), hadien wada yoh ujor ko na ki khynnah puræ wa na ki manbei manpa hajrong wa chim syad dor ware ki Muktiar wow pynsakhiat ya ka tulop yong ki pa ki bei (Declaration of Parent/Guardian Income), ynnin ka 25 tarik da lai yachem ko ya u President ka Jaiñtia Hills Bar Association (JHBA) u ma C. Kyndiah heiwow pynsñiaw ko ha oo yeini.
Ha kani ka yachem neiliang u ma Kyndiah da pynche u wa da leh yeini lyngba ka rai ka Association wow booh iwi i dor wei ymhoi u chim tam ko yaka T. 500 (San spah) na ki manbei manpa kiwa em ki khon kiwa puræ Degree, wei ymtohoh u palat ya ka 300 (le apah) ya ki kiwa dang puræ Class XI wa XII.
Chooh chooh u ma Kyndiah da pynche u leh wa ki Muktiar ye ki leh u chim duna yeini i dor wada booh wei lada chem wa em wa chim palat yeini ye ki u pyntip cha ka Association.
Ka JSU da kyrpad ko na u President ka JHBA wow pynhiar yeini, heiwa neiliang u ma Kyndiah da ong u wa daw chong pyrkhat biang ka Association hei yatoh weini.
Discussion about this post