Jowai: Ka KSU JHDU ynne ka sngi da lai yachem ko ya u DC ka West Jaiñtia Hills District hapoh i yahkhmat u General Secretary u Garland S Manner ryngkat u Leningrad Tariang Organising Secretary, Shaniahskhem Dkhar Asst. Secretary wa u Fivestar Suiam EC Member wow yaklam hajrong ka phang Entry wa Exit Point kaba ha chnong Saphai wa Khanduli yong ka District.
Hajrong ini neiliang u DC da ong u wa dadep pynbait wow chong yalang wa ka District Task Force wa kiwi ki chnat wa toh u pait ya kani ka kaam ha ka 03-07-2019.
Neiliang u DC da pynche u leh wa dang wan kreh wot u dang ha kini ki sngi wei ympu ye ware u wow batai bha hajrong kani ka kaam wei daw tip che toh du hadien ka yalang yong ka 3 tarik wei hadooh katni dang yoh u du ya ka bui warim kawa yatoh wa ka Khanduli heiwa dadep lut liang wanang wei sah sadu ya ka chnat Tourism wow leh yeiwa emkaam.
Katwa ka Saphai won ympu ye wow pynbait wa ki tre thaw, neiliang ka seiñ da ong ko wa daw yachem ko wa u DC hadien ka yalang yong ka 3 tarik.
Discussion about this post