Khliehriat: Ka seiñ Khasi Students Union-Khliehriat Circle (KSU-KC) ynne ka sngi hapoh i yahkhmat u Chairman ka Consumer Cell yong kani ka chnat seiñ, u Pynshai Kupar Dkhar ryngkat wa u President wa u General Secretary, u SS Niangti wa u Cherity D. Suja, da lai yachem ki ya u Deputy Commissioner ka East Jaiñtia Hills.
Ini i yachem toh hajrong i chim kabu ki dukan Wholesale wa ki Retailer wa i chem chitom ki paidbah hapoh ka District waroh kawi.
Ini i yachem leh man i hadien wa ood ki paidbah ka thaaiñ Khliehriat cha ka seiñ wei ha ini i yachem neiliang u Deputy Commissioner ka East Jaiñtia Hills da kular u leh wow chimkhia yeini waroh.
Chooh chooh u DC da kular u leh wow phah ya waroh ki dukan wa em ha ka thaaiñ Khliehriat wow booh ki yei dor tre yong ki marbaam mardih ha waroh ki dukan (Display Of Price List).
U DC da maham u leh ya ki dukan wow chim kabu deiwa dai palat yei dor wa da booh (MRP) wei lada chem ya kam kini ki dukan wa leh pyrchah daw pynchitom ya ki katkam ka aiñ.
Discussion about this post