Jowai: Ynne ka sngi ka 16 tarik, ka Khasi Students’ Union (KSU) Narpuh Circle hapoh i yahkhmat u KS Suchiang President, u S. Bamon, General Secretary, deilang wa ki tre thaw wa na Huroi kiwa chah ktah wa kiwa chah tympra ya ki thaw rep yong ha i pynkreh ya u sarok wa i kær pood ya ka Indo Bangla Border Fencing da ka National Border Construction Company (NBCC). Da yachem ki wa u DC ka EJH yei kyntait katai ka Company wow su ya ka bai lutsan (Compensation) cha ki tre thaw hawa pynkreh ya ini waroh.
Neiliang u DC da ong u wa kitai ki thaw wa chah ktah da dep su cha ki tre thaw nadooh u snem 2012 wei ya i su da leh da ka yung krehkaam u DC ka West Jaiñtia nadooh katai ka por, ya ki thaw wa haap hapoh Lahaleiñ.
Katwa neiliang ki tre thaw da dawa ki na i por cha i por ya ka hok wa ym pu em yoh ki chi anna leh, u DC da ong u wa katkam wa tip heiyatoh wa i su da dep pynbna (Notification) chwa wow su, wei ye u man wa da chim yaka poisa da kiwa ha yung ha sem yong ki tre thaw. Da ong u leh wa katai ka Company ym ye ko wow su arsien yaka jooh ka thaw, kamtæ ym em hok ki wow pynthut næ pynsangeh ya i kreh, wei lada leh ki daw chah pynshitom ki. Ki tre thaw won da ong ki wa ym tip ki cheiwon ka Company wa ka yung krehkaam u DC su ki ya katai ka poisa, wei daw dawa ki yaka hok hadooh wow yoh.
Ha i jooh i por ka seiñ da e ko ha u DC ya ka chiti wa da thoh cha u Member Secretary ka Meghalaya State Pollution Board hajrong i pyrchah ka seiñ yei paan bor ka Star Cement wow toh moochuni ha Brichyrnot, EJH.
Ka kyrwoh na u SL Suchiang, Publicity Secretary KSU Narpuh Circle.
Discussion about this post