Ha ka 22 tarik, ka KSU Jowai Circle da lai yachem ko ya u Branch Manager ka SBI Mynso Branch kawa em hapoh ka chnong Phramer hei yahkhmat u Ioannis Suchiang, President Jowai Circle wa u Phraki Thubru, General Secretary Jowai Circle wa kiwi kiwi de ki dkhot.
Ini i lai yachem toh hajrong i ujor ki paidbah neidaw wa sih ka kor ATM wa ka kor wow leh yei Passbook Update.
Ha i yaklam wa u Branch Manager, da kular u leh wa hapoh 30 sngi u pyndep u chna ya ka kor Passbook katwa ya ka ATM, u Branch Manager da ong u wa ka Bank dang thooh thaw ko da iwi i thaw wow booh ATM hapoh ka chnong Phramer.
Neiliang yong ka Jowai Circle da e por ko hapoh 30 sngi wow pyndep kini ki kaam wa emkaam ki paidbah.
