Neidaw wym biang i e chakri wei krehkaam ka Reliance Jio heiwa ki Tower wa em ha Khanduli Circle ym man ki kiwa lai bait lai ryntih katkam wa da angnood ki paidbah katai ka thaaiñ.
Kamtæ ka KSU Khanduli-Umshangiar Unit da ong ko wa i em kitai ki Tower toh u man ki i kyrkhu wa khroo yaki paidbah, tangwa i thut i krehkaam da man pathan i i tim wa khroo neibynta ki paidbah wa pynemkaam yaka Jio.
Ha kani ka 27 tarik, ka seiñ hapoh i yahkhmat u President ka Unit u Tynshain Krem deiwa synran lang u Saikial Sumer, Secretary ka KSU Lapangap Unit da lai yachem ki ya u Manager wa toh u pait ya ka Network yow kyrpaad wei dawa u pynbiang yaka Network ha waroh 24 kynta khnang wow pynsuk ki paidbah yong katai ka thaaiñ.
