Ynnin ka 10 tarik, ka KSU Jowai Unit hapoh i yahkhmat u Ewan Phawa (President) wa kattu katni ki dkhot da lai yachem ki ya u W. Sungoh, EM In-charge Trade ka JHADC yow dawa na oo wow chimkhia hajrong ki kaam Benami hapoh ka thaaiñ yong i.
Ka seiñ da dawa ko wa ym toh u e Trading License de neini chakhmat ya ki baar jylla ya kiwon kiwon ki jait kaam kawa ki bru yong i ye ki wow kreh.
Ka seiñ da dawa chooh chooh ko na u EM wa iwon iwon i dukan yong u baar jylla toh u booh wakreh ki kamwa 80% da ki bru yong i hi.
Neiliang yong u EM leh da kular u wow chimkhia hajrong kini ki phang wa dawa ka seiñ wei da pynrap u da iwa ong wa daw phah pyntip u cha waroh ki waheh chnong wa ym toh de wow e roi ki yaka NOC cha ki baar jylla, u EM da kular u leh wow pynchitom yaki waheh chnong lada e ki yaka NOC cha ki baar jylla khlem ki kot ki sla kiwa biang.
Neiliang ka seiñ da ong ko wa ym chong klikti ko hajrong kini ki phang wa dawa wei daw booddien ya kitai ki phang yow mankaam ki.
