Ka seiñ Meghalaya People United Front (MPUF-EJHD) ynne ka sngi hapoh i yahkhmat u Kyrshan Blah uwa man leh u President ka chnat EJHD wa kiwi ki dkhot da lai yachem ki ya u DC ka East Jaiñtia Hills District hadien wa yoh ujor na ki kattu katni kiwa sah Quarantine hapoh East Jaiñtia Hills District kiwa emkaam yarap na ka sorkar.
Neiliang u DC da ong u wa ka sorkar ym e yarap de ko cha kiwa sah Quarantine hapoh ka jylla.
Ka seiñ da e yumut ko leh ya u DC wow phah biang ya waroh ki Dorbar Chnong wow pait wow syndong ki nei wan ki bru na baar jylla khnang wow lait na i poor kani ka khlam hapoh ka jylla wei neiliang u DC da ong u wa ki bor ka District da chimkhia ki wow pait yeini khnang wow khang nei poor kani ka khlam.
Ka seiñ da ong ko wa daw chimkhia ko yeini khnang wow ye u wanrah yei chngaaiñ hapoh kani ka District wa ka jylla hi waroh kawi, neiliang u Blah da kyntu u leh ya ki paidbah wow man ki kiwa kitkhlieh pyn da idæ yow lait na kani ka khlam COVID-19.
