Ka Niaw Wasa Youths Federation (NWYF) ynne ka sngi da lai yachem ko ya u District Veterinary Officer (DVO), Jowai, hajrong i duna kiwa kreh ha ki Veterinary Aid Centre kiwa em ha ki Block waphær waphær yong ka West Jaiñtia Hills.
Hawa yaklam wa uni u sahep neiliang yong oo leh da kubur u yeini i duna wei da kular u wow chimkhia yeini khnang wow pynsuk ya ki paidbah kiwa psan mrad khamtam ha ki thaaiñ palat-sor.
Neiliang ka NWYF lyngba u Pynbiang Rymbai, President, da ong u wa boonsien da yoh ki ya ka ujor hajrong i duna dawai kamjooh leh kiwa kreh ha kini ki thaw wei boonsien kiwa psan mrad da doohnong ki neidaw wym biang ki dawai wa i sumaar wa paka.
Ka seiñ da e ko leh ya ka dorkhat wow kyrpaad na u sahep wow chimkhia ya ini i kaam khnang wa ki paidbah u yoh myntoi ki.
