Yachem ka sorkar Assam wa Meghalaya ha Umkiang yow yaklam pynbait pood

Ynne ka sngi da pynman ya ka yachemlang namo ka Joint Meeting hajrong i pynbait pood Meghalaya-Assam deiwa emlang ki Montri sorkar ka Meghalaya wa Assam kamjooh u DC ka Cachar District, Assam wa East Jaiñtia Hills District, Meghalaya ha Umkiang.

Ya ka Meghalaya da mihkhmat da u Symbood Montri Rangbah, u Sniawbhalang Dhar katwa ya ka Assam da mihkhmat da u Chandra Mohan Patwari uwa man kam u Montri ka chnat Forest & Environment deiwa emlang ka MLA ka Sutnga-Saipung, ka Santa Mary Shylla wa u MLA ka Assam u Kaushik Rai uwa mihkhmat ya ka Lakhipur Constituency.

Ya kani ka yalang wow yaklam pynbait pood da pynman ha Auditorium Hall ka Holy Cross HS School, Umkiang, East Jaiñtia Hills.

Ka yalang da man ko kawa lai bait wei kawa jai-jai heiwa waroh arliang da pynsñiaw ki yei thrang wow pynbait noh ya u pood u ang.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Neiliang ki DC ki ar District da pynyoo ki yei long i man ki chong ki thaw katkam wa da chem ki.

U Montri ka Assam da ong u i rai wow chim toh hadien wa da yoh yei pynsñiaw kiwa chong chnong wei hadien wa da yoh ya ka Report na waroh ar ki DC.

U Sñiawbhalang da khana u wa em kawi ka chnong wa tip kam ka Baikam kawa hawa lai leh ya ka sorjamin da waroh ar sorkar heiwa da pynsñiaw ki yei pyrchah wei i daw wa pynman ya kani ka yalang toh yow ap u sñiaw yeiwa ong kini kiwa chong chnong wei kattu daw hap wow pynchna ya da ka Report wa biang yow e cha ka sorkar yow ye ki Montri Rangbah wow chim ya ka rai.

Da khana u leh u wa hapoh kani ka chnong da em 37 tylli ki manyung.

Kani ka chnong Baikam toh kawa em chakhmat ka Malidor wa da haap hapoh Assam wei da dep ki leh wow e dorkhat wa kwah ki wow em noh hapoh ka Meghalaya.