Yachem ka Synjuk Ki Rangbah Kur ya u Lat yow pynman aiñ noh ya ka Clan Bill ka KHADC

Shillong: Ynne ka sngi kiwa yahkhmat ka Synjuk Ki Rangbah Kur Ka Hynniewtrep da yachem ki wa u Lat ka jylla u T. Roy wow kyntu ya oo wow pynsmat wow e noh ya ka muhor ya ka Clan Administration Bill wa da mynjur da ka dorbar ka KHADC.

Hawa yaklam ya kani hadien wa yachem wa u Lat, u President ka Synjuk Ki Rangbah Kur ka Hynniewtrep u HS Shylla uwa man leh u CEM ka KHADC, da pyntip u i wan yachem wa u Lat toh yow kyntu wow e noh ya ka mynjur ya ka Clan Administration Bill khnang wa ki Kur u ye ki u pynkhlan ya ki seiñ kur yong ki.

Da ong u wa waroh ki jait kur ki em ki kamwa 5 hajar tam wei hadooh katni em du khajiak ki kur kiwa em ki seiñ kur.

Da pyntip u leh wa da kyntu ya u Lat wa ya ki Bill toh u phah bait cha District Council khlem lai lyngba ka sorkar jylla wei hajrong ini u Lat da khut biang ya ki wow wanrah da i thoh ha ka 1 tarik u Wisu (March) 2019.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Shylla da ong u wa u Lat sñiawthooh bha u yei man ka jaitbru wei da kular u wow chim khia ya kani ka kaam.

Hajrong i pyrchah ka Joint Committee Dorbar Kur wa em i tkhoh ha ka Bill, u Shylla da ong wa em ki bru kiwa kwah wow pynslem ya kini kiyi kiyi tangwa u lai bait cha khmat wa ki paidbah kiwa tip ya ka Clan Bill.

Ye wow pynkynmoo wa ka Joint Committee Dorbar Kur da yachem ki wa u montri ka District Council Affairs u James K Sangma wow dawa wa ka KHADC toh u paan yumut chwa ko na ki paidbah hajrong kani ka Bill wei ym toh u leh jhan.