Ki ar seiñbhalang wa kynthup ya ka Hynniewtrep Youth Council-EJH waka Jaiñtia Youth Federation-EJH ynne da yachem ki ya u Deputy Commissioner ka East Jaiñtia Hills yow yaklam heiyatoh wa ka Exam ka District Selection Committee (DSC) kawa da sah khlem pynman nadooh u 2021.
Ki ar seiñ da ong ki wa kini ki kreh wa lait da pynbna nadooh u 2021, tangwa hadooh katni la ar snem ym em pynman ya ka Exam neibynta kiwa da pyndap pyrtuid kiwa dang angnood bha u yaleh noh.
Ki ar seiñ da ban joor ki yeiwa emkaam wa i thung kreh wow man i iwa khooid wa salonsar ya waroh khamtam kiwa da biang kiwa toh hok wow yoh kreh.
Chooh chooh da pynsñiaw ki leh wow em ka e sikai namo ka Coaching ya ki khynroo khyllood kiwa pynkhreh yaleh kreh.
Neiliang u DC da ong u wa sñiawthooh u yeini i pynsñiawkhia ki ar seiñ deiwa kular wow chimkhia wei wow pynbait noh ya ini i kaam wut-wut.
Da kular u leh wow thooh laad wow e sikai ya kiwa yakhun kreh wow yarap ya ki chwa wow thoh ki ya ka Exam DSC deiwa pynrap leh wow pynman smat noh ya kani ka Exam deiwa e laad ya waroh kiwa em hok u yoh kreh.
Ki ar seiñ da e khublei wei da yaroh ki leh ya u DC hajrong ini i kular u.
Discussion about this post