Ki san tylli ki seiñbhalang kiwa kynthup ya ka JYF, MPUF, JSM, JSU waka HYC ynne ka sngi da lai yachem ki ya u DC ka West Jaiñtia Hills deilang wa i thoh wow dawa pynhiar ya i dor phniang wei kamjooh leh wow pyrkhat kammon wow pynhiar ya i dor bai kari neibhah wa da ktah sakhiat ko ya kiwa dooh wa duk.
Ki san seiñ da ong ki leh wa kiwa boon ki paidbah da ood ki neibhah wa ha ki por wa nachwa wa lada i Petrol ku i 10% na i dor warim, i dor leh ku i kam wa ku i bai phniang wei ym toh wow pynku won ar lane le chah, wei ini da ktah ko ya ki kynnah skur wa ki bei ki pa kiwa phah skur ya ki khon kamjooh leh ya waroh kiwa chaniah ha ki kari kamai nadooh ki wakreh kaam sorkar.
Kamtæ ki seiñ da e yumut ki leh ya kiwa kamai kari wow pynduna dor ya ki kynnah skur deiwa kyrpaad leh ya u DC wow kyrpaad ya ka sorkar wow pynhiar ya i dor phniang kari khnang wow pyndooh ya waroh ini i eh hapoh ka jylla hi waroh kawi wei kamjooh leh hapoh ki District East wa West Jaiñtia Hills hi waroh.
