Ka ICAR-Central Inland Fisheries Research Institute, Regional Centre, Guwahati deiwa ya krehlang waka ICAR Research Complex for NEH Region, Umiam da sdang ki wow pyrchang yei psan dakha kawa tip kam ka Cage Culture ha Umiam heiwa ya ki dakha da psan ya ki hapoh ka wah deiwa kær kut ya ki wei yeini da sdang wow pyrchang da ki warep ka thaaiñ Ri-Bhoi deiwa pait lang ka Ri-Bhoi Farmers’ Union yow sñiawthooh hadooh katwon u ye u pynkrehkaam ya ini i rukom psan dakha ha ki ri-loom ka thaaiñ Northeast.
Neiliang u S.P. Ahammed, IAS, Principal Secretary ka sorkar Meghalaya (Fisheries) da lai pait u ya ini i thaw psan dakha ha Umiam ha kani ka 3 tarik deilang waka A.L. Mawlong, MCS, Director (Fisheries); u Paul Tariang, Superintendent of Fisheries, Ri-Bhoi District wa kiwi ki sahep ka chnat Fisheries ka Meghalaya.
Ha katai ka sngi da yoh leh yei ya phyllu yumut chaphang ini i rukom psan dakha ha chnong Umniuh Khwan ha ka yalang wa pynlai da u Dr. B. K. Das, Director, ICAR-CIFRI, Barrackpore; Dr. V. K. Mishra, Director, ICAR RC for NEHR, Umiam deiwa emlang u Dr. B. K. Bhattacharjya, Head (Acting), ICAR-CIFRI RC, Guwahati, u Dr. S. K. Das, Principal Scientist & Head (In-charge), Fisheries Unit, ICAR RC for NEH Region, Umiam wa kiwi de ki Scientist kam u Dr. S. K. Das, Principal Scientist & Head (In-charge), Fisheries Unit, ICAR RC for NEH Region, Umiam; Dr. S. Yengkokpam (Sr. Scientist), Dr. Pronob Das, Dr. S. Borah, T. Tayung (Scientists) wa kiwi kiwi de ki bru chemphang.
Neiliang ki warep da emlang leh 18 ngut ki kynthai deilang wa u President ka Ri-Bhoi Farmers’ Union, u D. Majaw wa u Waheh Chnong.
Neiliang u Dr. S. K. Das da khana u wa kani ka Cage Culture ha Umiam toh iwa da sdang nadooh u 2019 da ka ICAR-CIFRI Regional Centre, Guwahati waka ICAR RC for NEHR, Umiam deiwa kyrchaan ka Ri-Bhoi Farmers’ Union.
Da khana u leh chaphang ki le tylli ki bynta wa da kær kut, kamjooh ki jait baam dakha wa e yarap. Neiliang ka A.L. Mawlong da e khublei ko ya ka ICAR yei kreh chitom ki. U Paul Tariang da khana wei pynche u leh cha kiwa khwe dakha.
Puræ leh: E sikai ka ICAR yei rukom psan dakha wa tip kam ka Cage Culture ha Umiam
