Yachem MP ka KSU wa joor khor ki kyndon yaleh kreh ha NEIGRIHMS

Ki dkhot ka Khasi Students’ Union (KSU) ynne ka sngi da yoh ki wow yachem wa u Dr. Ricky A.J. Syngkon, MP wow boh dorkhat heiyatoh wa ka NEIGRIHMS.

Ha ka dorkhat da kdaw yei lehbor neiliang u Director yong ka NEIGRIMHS wa da thmu u wow yooh beiñ wei leh chiliang yei hok ka jaitbru wot hadien wa dadep yachem wa u Director wow booh ya boon tylli ki dawa yow pynbait ya ki kynrum kynram, tangwa ym chimkhia u yeini.

Ki kaam wa jhan toh kiwa yatoh wa ki kaam thung kreh kam ka Age Limit namo ka rta kiwa yaleh kreh kawa toh u man 35 snem kawa jooh leh nachwa tangwa katni da pynhiar cha ka 30 snem.

Da dawa leh ya ka bhah kawa 20:80 (20% ya ki chynrang wa 80% ya ki kynthai) kiwa leh kreh Nurse kamwa da bood ha ki Hospital ka sorkar India tangwa ha NEIGRIHMS ym em leh kamni.

Da em leh ka kyndon wa emkaam Work Experience namo kiwa jooh kreh ha ki Hospital wa em 50 tylli ki thaw thiah neibynta ki GNM Nurse, wei kani ka kyndon ka NEIGRIHMS da pyndooh nong bha ko ya ki Nurse yong i kiwa kreh ha PHC/CHC neibhah wym pdiang ya ki.

Ka seiñ da dawa ko leh wow pynman ya ka Exam da ka Offline neibhah kamwa man ini wa dep ka NEIGRIHMS da pynman ko da ka Online Exam iwa da khanglaad ya kiwa dooh wa duk u lai cha ki Exam Centre wa em cha baar neibhah wa ki Computer Centre ha jylla leh dang duna bha ki.

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026

Da kdaw leh yei duna palat ka bhah namo ka Reservation neibynta ki ST wei da toh u pynthymme yeini najrong wa em i thmu leh wa neini chakhmat wa ya ka Exam thung kreh u pynlai noh na Delhi.

Neiliang u MP da kular u wow tuklar hajrong ini wei daw khut u ya u Director ka NEIGRIHMS deiwa emlang ka seiñ yow pynbait yeini i kynrum kynram.