15 49.0138 8.38624 1 0 4000 1 https://wyrta.com 300 0

Yachem u DC ka West Jaiñtia waka Synjuk Waheh Chnong ka Jowai yow pynsuk yaki paidbah

0 Comments
Advertisement ad1

U Deputy Commissioner ka West Jaiñtia Hills District, ynne da yachem u wa kiwa kitkaam ka Synjuk ki Waheh Chnong, Jowai wei da yaklam bniah wow thooh laad wow pynsuk ya kiwa chong chnong ha i jooh i por wow bood ryntih ya i pynlai ka sorkar wow yada ya i poor u khñiang COVID-19.

Da rai wa ki dorbar chnong toh wow pyntikna ki wa waroh toh u chong ha yung (Home Quarantine) kamwa da phah daka chnat i chait i khiah (Health & Family Welfare Department).

Ki tre yong ki LPG Agency toh u pyntip ki yaka tarik wa i por wow lai saam Cylinder hapoh chnong.

Da chaniah ha kiwa pynlai chnong wow pynbait por wa tarik ha itæ i rukom wow kiwa chim rachon u bood ryntih ki yeiwa phah deiwa yajngai uwi ya uwi namo ka Social Distancing.

Heiyatoh waka Home Delivery da pyntip wa ki bor pynlai District u pynbait ki kammon wow pynpoi yaki mar baam mar dih deiwa kiwa chong chnong u thied ki Online lane deiwa phone ha ki number kiwa daw pyntip cha u President ka Synjuk wa ki waheh chnong ka Jowai.

Heiyatoh won wa kitu ki manyung wa haap hapoh ka BPL da pynsñiaw wa em kiwa chong chnong kiwa chem chitom wow pynbiang yei emkaam ka baam ka dih neidaw ka Curfew. Da kyrpaad yaki bor District wow pyrkhat u chna laad kammon wow yarap yaki.

Advertisement ad1

0 Comments

Leave a Reply