U Dolloi ka Elaka Satpator deilang wa ki waheh ka Elaka da lai yachem ki ya u Montri ka PWD wa ya u Montri ka chnat i chait i khiah yow dawa pynku kyrdan ya ka Muktapur Sub Centre cha ka Dispensary wei wow pynchna ya u sarok nadooh Muktapur chadooh Pdengshakap, Amlarem.
Hawa yachem wa u AL Hek, Health Minister da dawa na ka sorkar wow pynku kyrdan noh ya ka Muktapur Sub Centre cha ka Dispensary kawa pait ya ki chnong khappood nadooh Amsku chadooh Jaliakhola. Da ong wa kani ka Sub Centre toh kawa jngai kamwa 35- 40 Km na CHC wa 25-30 Km na PHC.
Da kdaw leh wa i wym em ki Doctor wa kiwi kiwa emkaam weiwa sih sarok da booh ko hei maa wei artatien ya kiwa kjut wa chitom, khamtam ya kiwa lai kha khon wa kiwa da tymmen kiwa emkaam jhan yei sumaar.
Hawa yachem won wa u PWD Minister, u Prestone Tynsong, u Dolloi da ong wa lada ka sorkar ym ye ko wow chna thymme, toh u pynchna ya iwa sih nadooh Muktapur chadooh Pdengshakap uwa da sih wei da ktah ya kiwa chong chnong khamtam kiwa kjut wa chitom.
