U Lat ka Mizoram u P.S. Sreedharan Pillai, ha kani ka sngi Thohdieñ wa da dep da yachem u wa u Prime Minister ka ri u Narendra Modi ha thaw sah u yow ekti yaka dorkhat yow dawa booh yaka AIIMS ha Mizoram.
Ha ini i yachem, neiliang u Lat da yaklam jrong u hajrong ki phang wa yatoh waka Mizoram heiwa iwi iwa yaklam toh hajrong i kaam summar sukhær hapoh Mizoram heiwa da khana ha u Prime Minister heiyatoh wa ka HIV/AIDS, Cancer, Malaria, ki kjut kong snam wa kiwi kiwi.
Neiliang u Lat da ong u wa em boon i emkaam haka chnat i chait i khiah ha Mizoram kiwa boon toh kiwa dang duna hadooh ha ki nongbah ki District iwa man leh i jooh ha ki thaw sumaar kiwa em haka nongbah ka jylla kiwa ym ye wow sumaar ya kiwa joor i chitom wei da hap bait wow lai cha baar ka jylla yow yoh yei sumaar iwa da chong syad ya kiwa boon.
Hawa kut ka yaklam, neiliang u Lat da tyrwa wei da e u leh da ka dorkhat ha u Prime Minister yow booh yaka thaw sumaar All India Institute of Medical Sciences (AIIMS) lane kawa ya sariem waka AIIMS lane ka thaw sumaar wa kyrpang (Super Specialty Facility) ha Mizoram.
Chooh chooh u Lat da ong u du deiwa booh yaka thaw sumaar AIIMS lane kawa sariem waka AIIMS daw ye wow wanrah yaka e sumaar wa duna dor kamjooh ka sumaar wa paka.
