Yachem u Modi wa u Astronaut wa nyngkong ka ri wa lai cha ISS

U Prime Minister ka ri, u Narendra Modi ynnin ka sngi da yachem u wa u Group Captain Shubhanshu Shukla, uwa man u Astronaut wa nyngkong na India wow lai cha International Space Station (ISS).

U Shukla, toh chibynta yong ka Axiom-4 wa lai cha ISS nadooh ka 25 tarik u Naiynru hadooh ka 15 tarik u Naiynñiaw wei da yachem u ya u Modi ha yung u Prime Minister ha Lok Kalyan Marg, Delhi.

Chooh chooh u Shukla, uwa sap ya ka Jacket Astronaut ka ISRO da ya khublei kti u wa u Modi wei da e u ya ka Mission Patch ka Axiom-4 Mission wa ka lama le rong ka ri wa rah u cha ka ISS. 

Ya u Shukla da kha ha Lucknow wei da pynyoo u leh ya ki dur wa chon u heipor wa em u ha ISS wei ya kini ki dur da pynyoo u ha ka Tablet. 

Related posts

Da thung ya ki ar ngut ki MDC ka JHADC kam ki Chairman ka Planning Board wa Resources Mobilisation Committee

March 18, 2026

Yoh pynlait ya ar ngut ki kynthai kiwa na East Jaiñtia kiwa mut chah pynbor dai doh ha ka Spa wa em ha Haryana  

March 18, 2026

Neiliang u Modi da kyrpaad u ya uni u Astronaut wow khana wei wow batai u chaphrang i sah u ha International Space Station i wow yarap ya ki kaam ha ri heiyatoh wa ka haw-haw wa kynthup ya ka Gaganyaan.

U Shukla da liwan u cha India ha ka 17 tarik uni u bnai.