U His Holiness Pope Francis ynne ka sngi da yachem u ya u Prime Minister, Narendra Modi ha ka yalang wa para ki donhi hapoh ka Apostolic Palace wa em hapoh Vatican.
Ini toh i yachem wa nyngkong u Prime Minister ka India wa uwon uwon u Pope hadien palat 20 snem. Ha u Naiynru 2000, u (L) Prime Minister, Atal Bihari Vajpayee da lai yachem u wa u Pope, John Paul II.
Ka India waka Holy See da em ki i yajan wei yatoh lok nadooh u 1948. Ka India da man ko leh ka ri wa ar wa boon dooh ki Catholic hapoh ka Asia.
Ha ini i yachem ynne ka sngi, ki arngut da yaklam ki hajrong ka khlam COVID-19 wei yeiwa ktah ko ya ki bru ha kylleiñ ka pyrthai. Da yaklam ki chaphang i kylla ka suiñbneiñ namo ka Climate Change.
Neiliang u Prime Minister da khana u ya u Pope chaphang i thong wa da booh ka India yow yaleh pyrchah yei kylla ka suiñ bneiñ kamjooh yei ye ka India wow e tika la palat 1 Billion sien. Neiliang u Pope da pynsñiaw u yei sñiawngooh yei yarap ka India ya kiwi ki ri ha kini ki por wa em ka khlam.
Neiliang u Modi da khut u leh ya u Pope Francis wow wan cha India wei da pdiang u yeini dei mynsien wa kmen.
U Prime Minister da yachem u leh wa u Secretary of State, u His Eminence Cardinal Pietro Parolin.
