Yah bakla ki bor district ya ki paidbah deiwa ong wa ym em khang ka NGT u chna yung harood ka wah Myntdu: Sajay Laloo

Jowai: U Sajay Laloo uwa yaleh mukotduma wow yada ya ka wah Myntdu ha ka yungbichaar ka NGT da thoh u cha u Chief Secretary ka jylla deiwa ong wa i kam ki bor ka district wa ym em pynmih hukum ka NGT wow khang ya waroh kiwa chna yung hajan ka wah Myntdu toh iwa bakla wei da tyngkheiñ ya ka hukum ka NGT.

Yeini i khang wow tih moo tih chyiap u chna yung harood wah ka Myntdu da pynkit leh ha u Chief Secretary ka jylla wow chimkhia u yeini da ka NGT.

U Laloo da ong u leh wa u Deputy Commissioner ka West Jaiñtia Hills da dep pynman u ya ka yalang wa ki waheh dong wa ki waheh chnong ka Jowai hei emlang ka JHADC wei da chim ya ka rai wow khang ya waroh ki jait chna kiwa em 500 Meter nadooh ka rood wah wei hadien ini ka JHADC da pynmih ko ya ki kyndon yong ka hei yatoh wa ini waroh.

Kamtæ i ong ki heh ka District wa ym em khang ka NGT wow chna yung ha rood ka wah Myntdu toh iwa yah bakla heiwa katni leh kiwa chna yung dang lai bait hi i kreh ki wei katkam ka khubor wa mih hadooh katni leh ya ka yung wa chna ha Chahtngit leh ympu em ye u chim ya ka rai wa kammon u leh ya ka.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Laloo da kyntu u ya u Chief Secretary yow leh u yeiwa emkaam hei yatoh wa ini waroh.

Also Read: Pynmih hukum ka JHADC wow yada ya ka Myntdu wa kiwi ki wah ha ri Jaiñtia