Kiwa kitkaam ka JSU Jowai Circle chirup wa ka JSU seiñbei ynne ka sngi da lai ki wow yachem ya kiwa dai jhoor kiwa da chah thombor ha ki pulit ha Iawmusiang heiwa da chah knieh ki jhoor wa ki soh yong ki wei da dawa wa ka sorkar u su ko ya ka bai lutsan yong ki.
Ki dkhot ka seiñ wa kiwa dai jhoor da psiah ki cha pchem ka yung krehkaam u DC heiwa da yaklam wa u DC uwa da kular ya ki wow chimkhia yeini deiwa phah wow chim ya i pyrtuid kiwa chah knieh ki jhoor ki soh khnang wow ye u su ya ka bai lutsan yong ki.
Chooh chooh ka seiñ da tyrwa yumut ko leh ya ki bor District wow pynbiang ya ki thaw wa pura khnang wa kiwa chongdai u yohlaad ki wow dai ya ki mar yong ki wow lait na i kulmar wa ki bor ka aiñ wei wow bood ryntih leh ya ki kyndon wa da booh ka sorkar khnang wow lait na i poor ka khlam COVID-19.
Ka seiñ da kyntu ko leh ya waroh ki paidbah wow krehlang ha kam kini ki por deiwa bood ryntih ya ki kyndon wa da booh ka chnat i chait i khiah khnang wow lait na i poor ka khlam COVID-19.
