Uwi u bru wa da muaid bha da yah u da ka kari ha ka Platform No.1 ka Meerut Cantt. Railway Station ka jylla Uttar Pradesh iwa da pyntieñ ya kiwa boon ki bru.
Ini da jia i ha i miet ka 1 tarik wei da poor leh i Video yong ini iwa jia.
Ka khubor wa tikna da ong wa uni u bru da wan u da ka kari Alto wei da yah u ka ha ka Platform hajan ka rel wei da tyrrah u leh ya ki kattu katni ki ben.
Neiliang ki paidbah da tia ki wow pynsangeh ya ka kari wei da sai ki oo napoh chwa wow e kti ya oo ha ki pulit ka Railway.
Uni u bru da kam u wa i pyrtuid u toh u Sandeep wei wa oo toh u chipai uwa na Baghpat, wei ka kari toh kawa em u Number ka jylla Jharkhand wei ym em wa mynsoo ha ini i jia.
Discussion about this post