Ka Chief Secretary ka Meghalaya ka R.V. Suchiang ynne ka sngi da yahkhmat ko wow chim ya ka smai Rashtriya Ekta Diwas deiwa emlang leh kiwi ki heh sorkar ha pchem ka Main Secretariat Building, Shillong.
Ynne ka 31 tarik da man ko leh ka sngikha u Sardar Vallabhai Patel kawa da tip leh kam ka National Unity Day kawa da wanrah wow leh yeini da ka sorkar India ha u snem 2014.
U Sardar Vallabhai Patel da kynmoo ya oo kam uwa em hakhmat wow pynyatylli ya ka ri heiwa ka sor da chna ko leh ya u motdur Statue of Unity uwa jrong dooh hapoh pyrthai wa em ha ka jylla Gujarat hei dur yong oo.
