Ka Chief Secretary ka Meghalaya ka R. V. Suchiang da yahkhmat ko wow pure ya ki yurim wa pynkrehkaam ya ka riti synchaar ka ri (Preamble to the Constitution of India) kam chibynta ka Constitution Day kawa tip leh kam ka ‘Samvidhan Divas’, ynne ka sngi ha Yojana Bhavan, Shillong. Da emlang leh u Secretary Planning, ka sorkar Meghalaya u C.V.D Diengdoh, Secretary IPR, ka sorkar Meghalaya ka Matsiewdor W Nongbri wa ki wakreh ki chnat sorkar wa boon.
Ynne ka jooh ka sngi kam chibynta ka Constitution Day hi, ka Meghalaya State Judicial Academy da pynman ko da ya yalang phyllu yumut namo ka Panel Discussion hajrong ka Article 14 ka Constitution of India “U man salonsar hakhmat ka aiñ wa i yoh yada wa salonsar ha ka aiñ”, wa pynman ha Aurobindo Hall, Bivar Road, Shillong.
Kiwa da chimbynta namo ki Panelist kynthup ki ya u Dr. Batskhem Myrboh, Asst. Professor, Political Science Department, Synod College, u V.K. Jindal, Senior Advocate, High Court ka Meghalaya wa u Vivek Syiem, Superintendent of Police (Shillong City), Shillong, East Khasi Hills District.
Da chimbynta leh deilang wa ki khynnah ka NEHU wa Shillong Law College.
