Ynne ka sngi kawa man ka sngi wa sdang ka lympung yalehke Sports wa heh dooh ha pyrthai, ka Summer Olympics ha Tokyo, da em i pdiang burom ya ki ri kiwa wan chimbynta ha kani ka lympung deiwa chah du ya kattu katni ngut donhi ha kawi ka dhab.
Ha ka Parade pdiang ya ki ri, ya ka India da yahkhmat da ka khloor yakura, ka Mary Kom wa u Captain ka Men’s Hockey, u Manpreet Singh heiwa da chah du 25 ngut donhi wow chimbynta na ki 127 ngut kiwa chimbynta ha kani ka lympung neidaw wa em ka khlam kjut COVID-19.
Ya kani ka lehwarom ynne ka sngi sdang da pynman ha National Stadium, Tokyo, heiwa da wan sakhi da ki kattu katni kiwa da chah khut sñiawbha.
Kani ka Tokyo Olympics 2020 toh u pynman ya ka ha u 2020 tangwa nei wan yong ka khlam COVID-19 da haap kyrriah noh ya ka cha uni u snem.
