Shillong: Ka sorkar Meghalaya ynne da kynmoo warom ko ya ka sngi pyrchah ya ki kaam kiwa kieñ suloi kawa tip kam ka Anti-terrorism Day ha Main Secretariat Building, Shillong, heiwa u Montri ka tnat pohyung ka jylla u H.D.R. Lyngdoh da man u kam u kongsan hei emlang ki sahep sorkar, wa kiwa kreh sorkar.
Hei e klam kam u kongsan u Lyngdoh da khana u yeiwa emkaam u sñiawthooh ya kani ka sngi wei ki eh ki khoo wa wanrah ki seiñ kieñ suloi lyngba ki kaam yong ki.
Da ong u leh wa ki kaam tyngkheiñ aiñ wa leh kini ki seiñ man ki kiwa ktah joor wei lada em iwon iwon i dawa kini ki seiñ emkaam wow pynbait ya ki hajrong ka miej yaklam ymtoh deiwa leh ki kaam pyrchah aiñ.
Hadien ini u Lyngdoh chirup wa ki heh sorkar wa kiwa kreh da khlai ki ya ki kyntien wow pyrchah ya ki kaam wa ya ki seiñ kieñ suloi wei emkaam wa wanrah yei suk i saaiñ hapoh ka imlang sahlang wei wow kheiñkor yei mynsien bru.
Ye u pynkynmoo heini wa ka 21 Naisan man ko ka sngi yap yong u Montri Rangbahdooh warim ka ri u Rajiv Gandhi wei da rai wow man ko kam ka Anti-Terrorism Day ha waroh kawi ka ri.
Discussion about this post