Ynne i step, ka seiñ Jaiñtia Students Movement (JSM) da pynman ko ya i yakhih haphrang ka JHADC heipor wa pynman ya ka Dorbar Lyiur hajrong i wym bien ka Council u klam hajrong ka Entry Tax Gate ka Assam ha Khanduli.
Ka JSM dei langær da dawa ko na ki bor sorkar wa ka Council wow chimkhia hajrong i wan booh ya kani ka Tax Gate ka Assam hapoh u pood ka chnong Khanduli.
Neiliang u Helpme Slong uwa man u Secretary Chnong ka Khanduli da ong u wa i booh ya kani ka Tax Gate da man i hapoh ka chnong Meghalaya wei neiliang yong ki da yachem ki leh ya ka KSA tangwa ka sorkar ym em u chimkhia ko hajrong ini.
U Wellson Siangshai uwa man u Education Secretary ka JSM-CB da ong u wa lada ki bor sorkar wa ki bor JHADC ymye ki wow kyrriah ya kani ka Entry Tax Gate ka Karbi Anglong Autonomous Council ha Khanduli daw pteiñ ki wow pynman ya i yakhih.
