Yaklam ki BSF wa ki heh sorkar yei emkaam wow pynkrehkaam ya ka Section 144 ha ki thaw khappood

Ha ka 17 tarik uni u bnai da pynman ya ka yalang Coordination Meeting hapyrdi ki chnat sorkar delang wa ki BSF ha khappood waka Bangladesh ha BOP Ghumaghat heiwa ya kani ka yalang da pynlai da u T. Lyngwa, IAS, Deputy Commissioner ka South West Khasi Hills.

Da wan leh wow chimbynta da u Rajiv Kumar, Commandant, 193 Bn BSF, u G.D. Kharwanlang, IPS, Superintendent of Police, SWKH, u L. Kynjing, ADC, Ranikor, u R. Marwein, BDO, Ranikor, u D. Kyndiah, Executive Engineer, PWD, Ranikor, u P. Langstein, Superintendent, Customs, u C.H. Marak, Circle Inspector, Ranikor, u Jasmeet Singh, AC , Coy Cmdr BSF heiwa da yaklam ya kiwa boon ki kaam.

Iwa hakhmat toh yow yaleh pyrchah yei chalan tooh yei chini wa kiwi de ki mar heiwa da rai wow ya krehlang da waroh yow yaleh pyrchah yeini.

Chooh chooh da yaklam leh yei chem chitom ki yaaw khappood namo ki Border Haat wei yow pynchna yeiwa duna kamjooh ki sarok wa em cha khappood.

Related posts

Siat ka Pakistan ya ka skur wa pynlai da ki Nun hadooh wa yap ar ngut ki khynnah

May 9, 2025

Phah ka Pakistan 300-400 tylli ki Drone yow siat ya ki thaw wa em ha India, pyntip ka sorkar

May 9, 2025

Sa iwi wa da yaklam toh yow pynkrehkaam ya ka Section 144 CrPC ha tymbood u pood waka Bangladesh.

Da chim leh ya ka rai wow ya krehlang yow ye u yaleh pyrchah wa waroh kini ki kaam wa ktah ya ki thaaiñ khappood.

Kam wow pynkynmoo wa kani ka Coordination Committee toh kawa da thung da ka sorkar yow em i ya sñiawthooh wei ya krehlang hapyrdi kiwa chong chnong, ka sorkar wa ki BSF yow lait na i mih kulmar.