Ynne ka sngi, ka seiñ ki Contractor wa ki Supplier kawa tip kam ka All Jaiñtia Contractor & Supplier Association da pynman ko ya ka General Meeting yow pynche paidbah heiyatoh wa iwa boon i eh i khoo wa maad ki Contractor wei da wan wow pynche da kiwa yahkhmat ka All Meghalaya Contractor & Supplier Association haka yalang wa da pynman ha Auditorium ka District Library ha Mynthong, Jowai.
Kini kiwa yahkhmat wa kynthup nadooh u President, u Precious Sumer, u General Secretary u Gerald Shullai, u Chief Adviser, u Gilbert Laloo wa ka Hun Passah da e ki i pynche heiyatoh wa ka GST, i rukom Register ya kiwa kreh mylla, ka EPFO wa kiwi ki bynta wa da lai luti ka seiñ khnang wa waroh ki Contractor u lait ki nei chah ksih beiñ dei wym chong ñia.
Hadien i klam pynche na kiwa yahkhmat ka seiñ Contractor da em leh i yaklam phyllu yumut heiyatoh i rukom e khih khnang yow yoh bynta lang waroh ki Contractor neibhah kamwa man kattæ yei kreh iwa hoi u bhah leh da pynlang na kylleiñ ki thaw yow khut kreh du uwi donhi u Contractor.
Kamtæ khnang yow jop iwon iwon i thmu i angnood, ka seiñ da khut kyntu wow yakrehlang chirup chirup dei jooh i sur.
![](https://i0.wp.com/wyrta.com/wp-content/uploads/2024/07/ypbcntr4.jpg?resize=960%2C540&ssl=1)
![](https://i0.wp.com/wyrta.com/wp-content/uploads/2024/07/ypbcntr3.jpg?resize=960%2C540&ssl=1)
![](https://i0.wp.com/wyrta.com/wp-content/uploads/2024/07/ypbcntr.jpg?resize=960%2C540&ssl=1)
![](https://i0.wp.com/wyrta.com/wp-content/uploads/2024/07/ypbcntr1.jpg?resize=960%2C540&ssl=1)
Discussion about this post