Shillong: U Montri Rangbah ka Meghalaya, u Conrad K Sangma ynne da ong u wa ka sorkar da yaklam ko wa ki heh ha ka Indian Embassy ha United States of America (USA) yow yarap wow pynsmat u kit ya i metyap u Most Reverend Archbishop Dominic Jala cha Shillong.
Hawa yaklam wa kiwa pathai khubor, u Conrad da ong u wa hadien wa da yoh u ya ka wyrta hajrong i jia ya u Archbishop, da phone u wut-wut ya u Consulate General ha San Francisco uwa da batai leh yei emkaam wa haap wow pyndep ha katai ka ri.
Da ong u leh wa daw chimpor ko 3 hadooh 5 sngi wow pyndep yeiwa emkaam wow soi ya ki kot ki sla wei kamwa chi sngi wow kit ya i metyap hadooh ha Shillong wei da yaklam u leh wa ka Air India neibynta kani ka kaam.
U Conrad da ong u leh wa daw booddien u ya kani ka kaam wei ka sorkar jylla daw leh ko katwa ye wow pynsmat u pynpoi ya i metyap yong uni i khlieh ka Balang Catholic cha Shillong.
Neiliang u Conrad ynne ka sngi da lai booh mombati u neitbynta u Archbishop ha Mary Help of Christians Cathedral wei da lai yachem u leh wa kiwa ha yung ha sem u Archbishop.
Discussion about this post