Ynnin ka sngi, kam chibynta i lehkmen yei dap 6 snem ka Digital India, u Prime Minister ka ri u Narendra Modi da yaklam u wa ki 8 ngut ki bru kiwa da yoh myntoi na ka Digital India Programme kawa da sdang ha u 01-07-15.
Kawi na kini ki bru wa yaklam wa u Prime Minister toh ka Wandamaphi Syiemlieh kawa na Shillong, kawa kreh wa ka Knowledge Process Outsourcing (KPO) Company kawa tip kam ka S10 Healthcare Solutions kawa em ha Dhankheti, Shillong. Da kreh nyngkong ko wa kani ka Company ha Chennai. Tangwa neidaw wa ka Company yong ka da yoh yarap ko na ka North East BPO Scheme hapoh ka Digital India Program, da ye ki wow wai chnat ha Shillong. Kamtæ da ye ko wow liwan cha chnong wei da kreh ko na Shillong hi.
Ka Wandamaphi kreh ko kam ka Medical Scribe heiwa da kreh wa u Doctor na United States of America. I kaam yong ko toh wow yarap ya u Doctor wa em hapoh ka USA wow pyndap ya ki Chart wa ki kot ki sla wa emkaam. Itæ mut wa heipor wa u Doctor dang pait bru wakjut u ha US, ka won heijooh i por da kreh ko na Shillong wow pyndap yeiwa emkaam heijooh i por wa u Doctor leh u yei kaam yong oo ha US.
Ini wa pyndap ko toh iwa da ye u Doctor u yoo ha ka Computer yong oo ha USA. Ini wa leh ko da yarap ko ya ki Doctor wow pyndap ya ki kot ki sla wa emkaam hadooh ki dawai wa toh u e khlem da hap pynlut por de u Doctor wow leh ya ini.
Ka NE BPO Scheme ka sorkar India daw yarap ko yei em ki KPO hapoh Meghalaya wa kiwi ki jylla ka thaaiñ Northeast. Ini daw pynchlur ko leh ya kiwi ki KPO Company wow wai chnat ha Shillong iwa daw yarap ya ki khynroo khyllood kiwa em yei sap.
Ka Information Technology & Communications Dept., ka Meghalaya leh da pynkreh ko wow booh ya ka Shillong Tech Park yow ye ki KPO Company wow wan wai ha Shillong. Wei kani toh kawa ye u em 1500 ngut ki bru wakreh.
