Yaleh mukotduma ka VHP neidaw wa booh lang ya u sing wa pyrtuid Akbar waka sing wa pyrtuid Sita

Ka Vishwa Hindu Parishad’s (VHP) Bengal Wing da yaleh mukotduma ko ha Jalpaiguri Circuit Bench ka Calcutta High Court, yow pyrchah yeiwa leh ka Forest Department heiwa da rai wow booh lang ya uwi u sing wa pyrtuid ‘Akbar’ wa kawi ka sing kynthai wa tip kam ka ‘Sita’ ha i jooh i thaw hapoh ka Siliguri Safari Park.

Kini ki sing toh kiwa da wanrah na Sepahijala Zoological Park, Tripura wei da e pyrtuid chwa ki ya kini ki sing wei ymtoh wa leh ka Forest Department ka West Bengal chwa u poi ki haka 13 tarik uni u bnai wei neiliang ka High Court leh da pdiang ko wow bichaar ya kani ka mukotduma haka 20 tarik uni u bnai.

Ka VHP haka mukotduma da ong ko wa ini toh i leh chynnam wei iwa yoobeiñ yaka niam neibhah u e pyrtuid ya ki mrad dei pyrtuid ka Sita kawa man kam ka kurim u Ram toh iwa yoobeiñ yei man kyntang ka Sita wei da leh deiwa kwah u lehbeiñ yeiwa ngait ki Hindu waroh.

Chooh chooh ka VHP da pynbaad ko wa ka Forest Department wa da e pyrtuid ya kini ki sing wei da kyrpaad ki yei pyrtuid ka Sita.

Related posts

Ka sorkar ymtoh kawa ye hi-eh ka KSP wow maham: Sniawbhalang

December 21, 2024

Da u waheh chnong uwa man leh uwa yahkhmat seiñbalang sai kyrtong MDC ka Namdong

December 21, 2024

Kam wow kdaw heini, u Akbar toh u syiem wa khroo ki Mughal uwa man leh kam u Muslim.