U RJ Nicky J ka Radio Mirchi 91.1 Shillong kam chibynta ka My Shillong My Pride Campaign, yow man ki thaw ki bhaw kiwa khooid, hadien wa chem wa em iwi i thaw wa em ha Umpling ha i thaw yow lai cha Ishyrwat iwa da chah pynkylla kam i thaw noh jhep deiwa noh roi ki bru, da ye u wow pynkhooid ya ini i thaw.
Kani ka Campaign kawa da sdang ha ka 9 tarik uni u bnai heiwa u Nicky J da yieñ u kam i dak pyrchah 6-7 kynta chi sngi ha ini i thaw. Ha ki sngi wa bood, da em kiwa chong chnong ka Shillong kiwa da wan chakhmat yow pynyoo yei dak wa pyrchah wei ha ka 14 tarik hadien 4 sngi, ka Dorbar Chnong Umpling da ya ksohkti lang ki wow pynkhooid noh ya ini i thaw.
Neiliang u Waheh Chnong ka Umpling da yaroh u ya ini i leh u Nicky J wei da e khublei u leh ya oo wa da e mynsien u ya ki wow kreh chitom ki yow pynman ya ka chnong wa ki thaw wa chajan wow man ki kiwa khooid wei neini chakhmat daw pynchitom ya kiwa noh roi yei jhep deiwa paan yarap na ki bru ka aiñ.
U RJ Nicky J da ong u wa ini i pynkhooid toh iwa pynbait ya ini i kaam kiwa chipor donhi deiwa dawa na ka sorkar wow thooh ki laad ki luti wow wanrah yei rukom pynlang jhep yow yei wow kit yei jhep cha i thaw noh jhep ha Marten.
