Ynne i sngi ki damok kieñ suloi da hiar thma ki ya ka CRPF Post wa em ha Jakuradhor wa ka Borobekra Police Station ha Jiribam District ka jylla Manipur heipor kamwa 3:00 waje heiwa da siat kylliang ki pulit wa ki CRPF ya kini ki damok.
Hawa siat kylliang ki CRPF, da em 10 ngut ki suba damok kieñ suloi wa da yap wei da mynsoo leh uwi u CRPF uwa tip kam u Sanjeev Kumar uwa da toh kuli wei da kit ya oo cha Silchar Medical College, Assam.
Ha Borobekra PS da em ki pulit ka jylla kamjooh wa ki chipai pulit ka sorkar pyrdi.
Ini i yasiat da neh i kamwa 40-50 minit wei hadien wa kut i yasiat da chem yei metyap ki 10 ngut ki bru wa kieñ suloi.
Hadien ini da chah thang leh ki yung ha Jakuradhor wa haap hapoh u pood ka Borobekra Police Station.
Ka Jakuradhor em ko du 100 meter na ka Borobekra Police Station heiwa jooh em ki CRPF, Assam Rifles wa ki pulit kani ka Police Station.
Hadien ini neiliang ki bor District ka Jiribam District da pynkehkaam ki da ka Curfew kawa khlem booh por.
Heijooh i por ka Kuki Zo Council da pynbna ko da ka Shut Down namo i khang chnong mynstep nadooh 5:00 waje i step hadooh 6:00 waje i janmiet.
Ki pulit da yoh ki leh wow kem ya 3 tylli ki suloi AK, 4 tylli ki suloi SLR, 2 tylli ki suloi INSAS, uwi u RPG, kawi ka Pump Action Gun, ki BP Helmet wa ki tadong kuli (Magazines).
Discussion about this post