Ynnin i miet heipor kamwa 7:30-8:00 da iñ iwi i Hotel wa pyrtuid Rituraj Hotel ha sorbah Kolkata heiwa da yap 14 ngut ki bru kiwa boon toh kiwa uiñke suwari kiwa kynthup ya kawi ka kynthai wa ar ngut ki khynnah.
Kiwa yap toh neidaw wa yap-op katwa uwi won da haap u hajrong yung heipor wa pyrchang u wow yut na ini i Hotel.
U Police Commissioner ka Kolkata, u Manoj Kumar Verma da pyntikna u yeini iwa jia wei da ye wow tymplæh yei diñ du heipor 1:00 waje ynne i step synyaaw.
Neiliang ki bor sorkar da booh ko ya ka Special Investigating Team wow takit yeiwa jia wei wow thooh ya ki laad ki luti yada, heiwa daw pait leh yei chem chitom kiwa em hapoh ka Hotel heipor wa yut ki na ka.
Hadooh wa man kattæ, ympu tip yei daw wa sdang i diñ.
Discussion about this post