Yap 14 ngut wei mynsoo 75 ngut nei haap ka Haording hajrong ka Petol Pump

Hadooh 14 ngut wa yap wa 74 ngut ki bru wa mynsoo hadien wa haap kawi ka Hoarding wa heh kat ka Swimming Pool ha kawi ka Petrol Pump ynnin ha Ghatkopar ka sorbah Mumbai nei wan syndet ka la’ær wa u slap wa joor

Ini waroh da jia i ynnin heipor kamwa 4:30 i sngi hajan Chheda Nagar Gymkhana.

Neiliang ka Brihanmumbai Municipal Corporation da ong ko wa u Assistant Police Commissioner (Administration) da e bor u ya u Commissioner of Police (Railways Mumbai) wow booh ya kani ka Hoarding tangwa neiliang ka chnat Railways da ong ko wa ini i thaw ymtoh i yong ka wei ym em yatoh i wa ka Indian Railways.

Ka Municipal Corporation da kam ko wa ym em u e bor namo e NOC ko wow booh ka Ego Media ya kani ka Hoarding wei wa kani ka Hoarding heh ko 120×120 feet katwa jooh e bor ko wow booh du ya ki Hoarding wa heh 40×40 feet donhi.

Neiliang ka Mumbai Police da Register Case ko pyrchah ya u heh ka Ego Media, u Bhavesh Bhinde wa kiwi heiyatoh wa ini i jia.

Da pynngat leh ya ki hapoh ki kyndon tynyap bru wa kynthup ya ka Section 304, 338 wa 337 yong ka Indian Penal Code.

Chooh chooh da ong wa kani ka Hoarding em ko ha i thaw yong u District Collector wa i yong ka Police Housing Welfare Corporation ka Maharashtra Police. 

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026

Ha waroh da em soo tylli ki Hoarding ha ini i thaw iwa kynthup leh yani ka kawa da haap.

Neiliang u Symbood Montri Rangbah ka Maharashtra, u Devendra Fadnavis da pynbna u wa daw pynman ya i takit wa yillu heiyatoh wa ini iwa jia waroh.