New Delhi: Ynne ka sngi, ar ngut ki bru da yap ki wei da mynsoo palat 80 ngut hadien wa sdang dat lathi ki pulit ya ka yakhih wa jaijai ha sorbah Muzaffarabad yong ka Pakistan Occupied Kashmir (PoK).
Ya kani ka yakhih wa jaijai da pynman da ka satri ki seiñ hima sima kawa tip kam ka All Independent Parties Alliance (AIPA) ha PoK wow dawa laitlooid ha Muzaffarabad ynne ka sngi kawa man ka lyngkhooh snem wa hiar thma ki chipai Pakistan ya ka Jammu and Kashmir ha u 1947.
Ya kani ka sngi da khut ya ka kam ka “Black Day” da ki paidbah ka PoK wa Gilgit Baltistan neibhah da dawa ki ya ka Pakistan wow mih na kani ka thaw.
Neiliang ki bor pulit da khang ki ya ka AIPA wow pynman ya ka yakhih pyrchah ya ka sorkar heiwa da pynemkaam da ki lathi wa ki bom la-ær pynjhia khmat (Tear Gas) wa ki lathi.
Discussion about this post